هل ينتهى الحب بالزواج

سنة وبحب واحد كتير وهو كمان بحبني ونيتنا احنا الاتنين الزواج يعني هالحب اللي بينا مش تسلية ولا هو تضييع وقت

أنا فلسطينية وهو عراقي بس كل واحد فينا مقيم بدولة من دول الخليج

احنا كتير متفاهمين مع بعض والحمد لله والنا حوالي 3 سنين تقريبا مع بعض . المشكلة هلأ بوضعه المادي اللي مش راضي يتعدل

والمشكلة التانية خايفة اهلي يرفضوه لما يتقدم نظرا لاختلاف الجنسيات أو يجي يوم ويغصبوني على واحد غصبا ما بدي اياه

أنا حاليا بدرس وهتخرج السنة الجاية ان شاء الله وهاد هو اللي مخوفني لأني هلأ برفض اللي بتقدموا الي بحجة الدراسة

أنا كتير بحبه وحابة اكمل بقية عمري معه وأنا متاكدة انه هو كمان بحبني بس انا يئست من هالحياة كلها يئست وفقدت الامل انه وضعه يتعدل ساعات لما بقعد بفكر بحسه انه زواجنا مستحيل وبعدين بحكي رب العالمين قادر على كل شي دامه عارف انه نوايينا صافية وعارف انه نيتنا انه نجتمع بالحلال بس الظروف هي اللي منعتنا

قبل فترة تقدم الي شخص ورفضته طبعا بس كنت خايفة كتير وصارحته انه تقدم شخص وهو تضايق وطلب مني اوعده اني ما اكون لغيره وانا فعلا وعدته لاني عنجد بتمناه يكون جوزي اليوم قبل بكرة بس خايفة من الايام الجاية

هو مش مخلص تعليمه نظرا لظروفهم المادية وبعض المشاكل مع اهله عشان هيك بلاقي صعوبة انه يلاقي شغل وانا وعدته بس اتخرج واشتغل اني اساعده وادرسه على حسابي حتى لو ما كان النا نصيب مع بعض وهو برفض وبحكي انه اذا ما كنت من نصيبك ما بدي اجى للبلد اللي انتي فيها ولا بدي اكمل تعليمي

أنا عانيت كتير بحياتي حتى من اهلي وهو الشخص الوحيد اللي لاقيته جنبي بفترة انهرت نفسيا فيها هو اللي كان معي ووقف جنبي وسمعني وفهمني واحتواني بوقت الكل ما راعي الفترة اللي مريت فيها

ما بعرف تعبت وحاسة بيأس أنه ممكن بيوم من الأيام أكون معه

صليت الاستخارة كذا مرة وكل مرة بحس اني بتعلق فيه وهو بتعلق فيني اكتر ما بعرف بس عنجد انا كتير تعبت وفكرة زواجي من غيره انا بالنسبة الي شي مستحيل بس خايفة من أهلي

كذا شخص يحكي الي زواجي منه مستحيل وانا بحكي الهم ما في شي مستحيل دام رب العالمين موجود بس كلامهم بأثر فيني وبخليني اضايق وافقد الأمل بكل شي

يا هل ترى ممكن نكون لبعض ولا فعلا متل ما بحكوا انه مستحيل

ياريت تحكوا الي شو اعمل انا كل يوم بدعي الله يجعله من نصيبي ويجمعنا مع بعض

من مواضيع العضو
هل فعلا مستحيل